တစ်ရွေ့ရွေ့နဲ့ သွားနေတဲ့ နာရီလက်တံတွေနောက်မှာ ကျွန်မရင်ခုန်သံတွေ.... ကျွန်မမျှော်လင့်ချက်တွေ... ကျွန်မရဲ့ စိတ်ကူးတွေနဲ့ ကျွန်မချစ်ခြင်းတရားတွေအားလုံး စီးမျောလိုက်နေကြတယ်.... အချိန်တစ်ခုရဲ့ ပြောင်းလဲမှုနောက်မှာ ချစ်သူကို တွေ့ချင်တဲ့စိတ်တစ်ခုကလွဲရင်.... အားလုံးက ပကတိအေးချမ်းနေခဲ့တယ်....

အချစ်ဟာ အရာရာထက်ပိုလွန်းလှပါတယ်....

ကျော်လွန်ကုန်ဆုံးလာတဲ့ အချိန်တွေကိုကြည့်ပြီး ကျွန်မစိတ်တွေက တဖြည်းဖြည်း ငိုမြည်းဆွေးမြေ့လာတယ်.... ဟိုးအရင်တစ်ချိန်က ကျွန်မမှာယောက်ျားတစ်ယောက်အတွက် ပေးစရာအချိန်မရှိခဲ့ပါဘူး.... အခုတော့ ကျွန်မပေးချင်လွန်းတဲ့ယောက်ျားတစ်ယောက်အတွက် အချိန်ကိုထိုင်စောင့်နေခဲ့သတဲ့......
အချစ်ဟာ ရူးမိုက်မှုတစ်ခုမှ ဟုတ်ရဲ့လားကွယ်....

ချစ်သူအတွက်စောင့်စိုင်းရမယ်ဆိုရင် ကျွန်မမှာပိုင်ဆိုင်ခွင့်ရှိသမျှ အားလုံးကို ပုံပေးလိုက်ချင်ပါရဲ့ မိန်းမသားတစ်ယောက်ဆိုတဲ့ အသိတစ်ခုမရှိခဲ့ဖူးဆိုရင်လေ... အခုတော့ ကျွန်မမစောင့်ဆိုင်း သင့်တော့ဘူးလို့ ဦးနှောက်က အသိပေးတယ်.... ခြေလှမ်းတွေကတော့ မစနိုင်သေးပါဘူး.... ဘ၀မှာ ကျွန်မအလိုလားဆုံးက ဖြူစင်မြင့်မြတ်ပြီး ဘာကိုမှမမြင်တဲ့ အချစ်ကိုလိုအပ်သလို ကျွန်မကပေးချင်တာလည်း ဘာကိုမှမမြင်တော့တဲ့ အချစ်မျိုးပဲဖြစ်တယ်..... ကျွန်မပြောပြစရာမလိုပဲ ကျွန်မနဲ့ထပ်တူကျနေမယ့် နားလည်မှုပုံရိပ်တွေက်ု တောင့်တတယ်.... အရာအားလုံးပေးအပ်ထားတဲ့ ချစ်သူအတွက် အချိန်ဆိုတာလောက်နဲ့ သူ့ကိုချစ်တဲ့ မြတ်နိုးစိတ်တွေက လျော့ကျမသွားခဲ့ပါဘူး.....

အချစ်ဟာ ဘယ်သူ့အပေါ်မှာမှ မထားနိုင်တဲ့ နားလည်မှုတွေကို ချစ်သူအတွက် အိတ်သွန်ဖာမှောက် ပေးထားနိုင်တဲ့ စွမ်းအင်တစ်ခုကိုပိုင်တယ်.....

တရွေ့ရွေ့နဲ့ .... နာရီတွေက ရွေ့လျားလာသလို အရောင်တွေကလည်း ဖိအားပေးလာတယ်.... ဒါ မြန်မာပြည်မှာနေတဲ့ မိန်းမကောင်းလေးတစ်ယောက် ကိုယ့်အိမ်ကိုယ့်ရာ ပြန်သင့်တဲ့အချိန်တစ်ခုပါပဲ.... ဘယ်သူမှ နင်ပြန်သင့်ပြီလို့ မပြောပေမယ့် လူတွေအားလုံးရဲ့ မျက်ဝန်းတွေက ကျွန်မရဲ့ တစ်ကိုယ်လုံးကို ချုံလွှမ်းသွားတယ်...... ကျွန်မပြန်ဖို့ သင့်နေပြီထင်ပါရဲ့ချစ်သူ.... တကယ်ဆိုရင် ကျွန်မက ချစ်သူကိုဆယ်ကမ္ဘာလောက်ထိလည်း စောင့်နိုင်နေပါရဲ့..... ဒါပေမယ့် သဘာဝတရားက ခွင့်မပြုဖူးတဲ့လေ.... ကျွန်မကိုပြန်တော့လို့ ပြောလိုက်ပါတော့ကွယ်.... ချစ်သူသာ ကျွန်မဖြစ်အင်ကိုမြင်မယ်ဆိုရင်တော့.... ညီမလေးပြန်တော့လို့ပဲ ပြောမယ်ထင်ပါရဲ့...... ကျွန်မမစောင့်ဆိုင်းတာမဟုတ်ပါဘူးနော်...... ဒီလိုနဲ့ ကျွန်မခြေလှမ်းတွေ လာရာလမ်းကို ဦးလှည့်ပါတော့တယ်.............

အချစ်ဆိုတာ အချိန်တွေကို နတ်ဆိုးတစ်ကောင်အဖြစ် ဘွင်းဘွင်းရှင်းရှင်းမြင်တတ်လေ့ ရှိတဲ့အရာဖြစ်တယ်.....

ကျွန်မရဲ့ အိမ်ပြန်လမ်းကတော့ ဟိုး....အရင်အချိန်တွေကအတိုင်း တိတ်ဆိတ်နေတုန်းပါပဲ.... အံ့သြစရာတစ်ခုက ကျွန်မမှာဘာလို့ဒေါသတွေပျောက်ဆုံးနေခဲ့ပါလိမ့်.... အရင်တစ်ချိန်တုန်းက ကျွန်မက သိပ်အချိန်တိကျတတ်သူတစ်ယောက်ပါ........ အခုတော့ ပျောက်ဆုံးနေတဲ့ ဒေါသတွေကို ကျွန်မပျိုးချင်နေမိတယ်..... ချစ်သူက ကျွန်မကိုမချစ်ခဲ့လို့မှမဟုတ်ပဲနော်....... အကြိမ်ကြိမ်ဝင်ရောက်လာတဲ့ ဘာမှန်းမသိတဲ့ခံစားမှုကို ကျွန်မချိုချဉ်တစ်ခုလို ငုံထားချင်သေးရဲ့..... ကျွန်မရဲ့ အိမ်ပြန်လမ်းတစ်လျှောက်တော့ ချစ်သူက အရိပ်လိုလိုက်တယ်.... ဒီလိုနဲ့.... ကျွန်မ ချစ်သူအတွက်ဆို အခါခါစောင့်ဆိုင်းဖို့ ၀န်မလေးတတ်တော့တဲ့ မိန်းမတစ်ယောက် ဖြစ်မှန်းမသ်ိဖြစ်ခဲ့ပြန်ပါတယ်.....

အချစ်ဟာ အရိပ်တစ်ခုလည်းဖြစ်ရဲ့...... ဦးနှောက်ကစိတ်ရိုင်းတွေကို နှလုံးသားက ဖယ်ရှားပေးတတ်သူလည်းဖြစ်ရဲ့.....

နာရီတွေကိုကြည့်ရင်.... ကျွန်မနေ့တိုင်းသောက်တဲ့ ကော်ဖီတွေလို ခါးသက်လာတယ်.... ဒီနေ့အတွက် ကျွန်မရဲ့ စောင့်ဆိုင်းမှုတွေ ကုန်ဆုံးသွားလေရဲ့..... ဒါပေမယ့် နောက်တစ်ရက်အတွက် နာရီတွေကို ကျွန်မနေ့တိုင်းသောက်တဲ့ ကော်ဖီတွေလိုပဲ တောင့်တမိပြန်တယ်.... တကယ်တော့ ကျွန်မက အရသာခါးခါးတွေကိုမှ နှစ်သက်စွဲလန်းတတ်တဲ့ မိန်းမတစ်ယောက်ဖြစ်တယ်.............

အချစ်ဟာ နောင်တတွေကိုဖြစ်ထွန်းစေလိုက် အဲဒီနောင်တတွေကပဲ မျှော်လင့်ချက်တွေကို မွေးဖွားပေးလိုက်... အဲဒီမျှော်လင့်ချက်တွေကပဲပေါ့..... လက်ရှိတွေကို အကောင်းဆုံး ရပ်တည်စေပြန်ရောတဲ့လေ.............

ကျွန်မနောက်ဆုံးတစ်ကြိမ်ပေါ့................ နာရီလေးကိုကြည့်တယ်......................
ကုန်သွားလည်းကောင်းတာပါပဲ............... ခပ်တိုးတိုးလေးရေရွတ်လိုက်တယ်..................
နှုတ်ခမ်းလေးက လှုပ်ရုံလေးပြုံးတယ်..... စာအဆိုအရတော့ ခပ်လွန့်လွန့်လေးပြုံးတာပေါ့...............
မျက်ဝန်းတွေကတော့ မျက်ရည်စတွေရှိကောင်းရှိလိမ့်မယ်............. ဒါပေမယ့် ငိုကြွေးခြင်းမဟုတ်တာ သေချာနေပါရဲ့.............

အချစ်ဟာ ငိုမလိုနဲ့ပြုံးပြီး မဲ့သလိုလိုနဲ့ရီမောခြင်းကိုလည်း ပေးတတ်ပါရဲ့ကွယ်....................