ဘာမှမထူးခြားခဲ့တဲ့... လွန်ခဲ့တဲ့ (၇)နှစ်လောက်က ကျွန်မခေါင်းငိုက်စိုက်ပါအောင် ကျက်ခဲ့ရတဲ့ စာကြည့်စားပွဲလေးက နဂိုအတိုင်းပါပဲ.... စာအုပ်လေးတွေထက်မှာ ဖုန်လေးတစ်ချှို့ တင်နေတာ၊ စားပွဲအရောင်လေး အနည်းငယ်ညစ်ထေးထေး ဖြစ်နေတာကလွဲရင် အရာအားလုံး မပြောင်းလဲခဲ့ပါဘူး....

လွန်ခဲ့တဲ့ (၇) နှစ်က နုပျိုမှုမျိုးတွေ...

လွန်ခဲ့တဲ့ (၇) နှစ်က ကိုယ်ထင်တာကိုယ်လုပ်ခဲ့မှုမျိုးတွေ....

လွန်ခဲ့တဲ့ (၇) နှစ်က ရိုးသားမှုမျိုးတွေ

လွန်ခဲ့တဲ့ (၇) နှစ်က ခေါင်းမာမှုမျိုးတွေ....

လွန်ခဲ့တဲ့ (၇) နှစ်က လို လတ်ဆတ်နေတဲ့ ခပ်စောင်စောင် အတွေးမျိုးတွေ....

စားပွဲလေးလိုပဲ ညစ်ထွေး သွားတယ်ဆိုရင် ယုံကြပါ့မလား.... စာအုပ်ကလေးတွေမှာ ကပ်နေတဲ့ဖုံတွေလိုပဲ ကျွန်မအတွေးတွေ မသန့်စင်တော့တာ အမှန်ပါ။ လူတွေနဲ့ (၇)နှစ်စာပေါင်းသင်းမှုမှာ ကျွန်မရဲ့ နုပျိုမှုတွေက ရင့်ကျက်မှုတွေ ပြောင်းလာတယ်။ ကိုယ်ထင်တာကိုယ်လုပ်တဲ့နေရာမှာ အရာရာအတွက် စိတ်လျော့သည်းခံတတ်လာတယ်... ရိုးသားမှုတွေနေရာမှာ တခါတရံ လိုအပ်ရင် ဟန်ဆောင်ရမယ်ဆိုတဲ့ အသိတွေဝင်လာတယ်.... အရင်က ခေါင်းမာမှုတွေနေရာမှာ ညှိုနှိုင်းဆွေးနွေးမှုဆိုတာ ဘ၀ရဲ့ တက်လမ်းတစ်ခုလို့ မြင်တတ်လာတယ်... လတ်ဆတ်နေတဲ့ ခပ်စောင်စောင် အတွေးတွေထက် ဘယ်အရာကိုမဆို နည်းလမ်းတကျဖြစ်အောင် တည်ငြိမ်စွာဆုံးဖြတ်ခဲ့ရတဲ့ အရာတွေ အစားထိုးဝင်ရောက်လာတယ်.....မပြောင်းလဲတဲ့အရာလေးကတော့ ကျွန်မဆိုတဲ့ကောင်မလေးတစ်ယောက်.. စားပွဲတစ်လုံးလို ဒီကမ္ဘာမြေကြီးရဲ့ တစ်နေရာလေးမှာပါပဲ ရှိနေသေးတယ်ဆိုတာပါပဲ......................။

2004

2005

2006

2007

2008 ဆိုတဲ့နံပါတ်လေးတွေနဲ့ အပြာရောင်မျက်နှာဖုံး စာမျက်နှာနဲ့ ဒိုင်ယာရီလေးတွေကို ကျွန်မတို့ထိမိတယ်.. ကိုင်ကြည့်မိလိုက်တယ်.... ကျွန်မကိုမျှော်လင့်ခြင်းတစ်စုံနဲ့ စာအုပ်ကလေးတွေကကြည့်တယ်... ကျွန်မကို သူတို့ဆီ ပြန်လာဖို့ခေါ်နေကြသလား.... မလာပါနဲ့လို့ပဲ ပြောနေကြသလား... ဒါဆို လွန်ခဲ့တဲ့ လအနည်းငယ်က ဒိုင်ယာရီလေးပေါ်မှာ ငိုကြွေးခဲ့တဲ့ မိန်းမတစ်ယောက်ကို သူတို့မေ့နေပြီလား... မမေ့သေးဘူးလား....

ဒီစာမျက်နှာတွေမှာပေါ့....

ကျွန်မလုပ်ရမယ့်အလုပ်တွေရှိတယ်...

ကျွန်မရဲ့ ခံစားချက်တွေရှိတယ်....

ကျွန်မသူငယ်ချင်းတွေရှိတယ်....

ကျွန်မ မိသားစုတွေရှိတယ်....

ကျွန်မချစ်တဲ့ ကဗျာလေးတွေရှိတယ်....

ကျွန်မ ဖတ်ခဲ့တဲ့ စာအုပ်ထဲက မှတ်သားစရာတွေရှိတယ်....

ကျွန်မရဲ့ မျှော်လင့်ခြင်း.. တောင့်တခြင်း...လိုအပ်ခြင်းတွေကို ... အမှန်အတိုင်းသိခွင့်ရတဲ့ သူဟာ ကျွန်မဒိုင်ယာရီလေးတွေပဲဖြစ်တယ်....

လွန်ခဲ့တဲ့ နှစ်အချို့ချို့က.... ကျွန်မဘ၀တွေကို.... ကျွန်မစာအုပ်လေးတွေမှာ ရှာဖွေတွေ့ရှိနိုင်တယ်.....

5.2.2008 ခုနစ် မနက် (၉) နာရီ ၄၅ မိနစ်......

ကျွန်မဒိုင်ယာရီတွေ စုတ်ပြတ်သတ်သွားစေတဲ့ နေ့စွဲလေးတစ်ခုပဲဖြစ်တယ်..... ဒီအကြောင်းအရာတွေကို ကျွန်မမှတ်ထားချင်သလို ကျွန်မ မမှတ်ထားချင်တာလည်း အမှန်ပဲဖြစ်တယ်....

တဆတ်ဆတ်တုန်နေတဲ့ လက်ချောင်းတွေကြားမှာ မွန်းကျပ်ပိတ်လှောင်နေတဲ့ အတွေးတွေနဲ့ မျက်ရည်ခပ်ဝါးဝါးကြားက မှတ်တမ်းလေးတစ်ခုဟာ သူသေဆုံးသွားပြီဆိုတဲ့ အမှန်တရားတစ်ခု ဖြစ်လာနိုင်မှာပါ.....

ဒီလိုမှတ်တမ်းတွေ စကားလုံးတွေ အမှန်တကယ်သေဆုံးသွားပါပြီဆိုတဲ့ စကားလုံးတစ်ချို့က လူတစ်ယောက်လောကကြီးထဲက ပျောက်ကွယ်သွားပြီဆိုတဲ့ အမှန်တရားတစ်ခုဖြစ်ခဲ့တယ်.....

အမှန်တရားဆိုတာ အချိန်ကာလတစ်ခုကြားမှာ အကဲဖြတ်တယ်ဆိုရင် ကျွန်မလိုချင်တဲ့ အမှန်တရားအတွက် အချိန်ဘယ်လောက်ကြာကြာ ကျွန်မဖြတ်ကျော်ရဦးမှာပါလိမ့်.......

2008 ခုနစ်ရဲ့ ရက်စွဲတစ်ခုနောက်မှာ ကျွန်မဘ၀ရဲ့ အကြောင်းအရာတွေ ပျောက်ရှသွားခဲ့တယ်.... ကျွန်မနေ့တိုင်းတွေ့ထိခဲ့တဲ့ ကျွန်မရဲ့ မှတ်တမ်းလေးဟာ သေဆုံးသွားခဲ့တယ်.... ရက်စွဲတစ်ခုရဲ့ မှတ်တမ်းတစ်ခုကြားမှာ ကျွန်မဒိုင်ယာရီတွေ နေ့စဉ်ရက်စက် ငိုကြွေးခဲ့ရတယ်... လောကကြီးရဲ့ နေရာတစ်ခုမှာ ကျွန်မဆိုတဲ့မိန်းမတစ်ယောက် အချိန်ကာလတစ်ခုအထိ ပျောက်ဆုံးသွားခဲ့ကြောင်း ကျွန်မဒိုင်ယာရီတွေက သက်သေတည်တယ်....

ဒါဆိုကျွန်မ အမှန်တကယ်ပျောက်ဆုံးသွားခဲ့တာလား......

ကျွန်မ ဖွင့်မကြည့်ဖြစ်တဲ့ ဒိုင်ယာရီလေးကို ကျွန်မနေရာတကျ ပြန်ချထားခဲ့လိုက်တယ်.... ကျောခိုင်းတယ်လို့ပြောလို့ရပေမယ့် ဘယ်တော့မှ မခွဲ့ခဲ့ဘူးလည်းပြောလို့ရတယ်....

ကျွန်မရဲ့ဒိုင်ယာရီလေးက ကျွန်မနဲ့အတူပါမလာပဲ ကျွန်မအနားမှာ အမြဲတမ်းရှိနေခဲ့တယ်....

အပြာရောင်မျက်နှာဖုံးထဲက အစိမ်းရောင်စကားလုံးတွေကြားမှာ အနီရောင်မှင်တွေ စွန်းနေတယ်....

ခပ်ဝါးဝါးတွေ့ရတဲ့ စာလုံးလေးတွေက ကျွန်မငိုကြွေးခဲ့တာကို မမေ့ဘူးလို့ အချင်းချင်းလှမ်းပြောကြတယ်....

ဘ၀မှာ မှတ်တမ်းတစ်ခုရှိရုံနဲ့ လူတစ်ယောက်ရဲ့ သမိုင်းကို တူးဖော်ကောင်းတူးဖော်နိုင်ပါလိမ့်မယ်....

တူးဖော်ခဲ့တဲ့ သမိုင်းနောက်ကို ခံစားဖို့တော့ ဘယ်သူမှမတတ်နိုင်တဲ့အရာလေးပဲဖြစ်တယ်....

အသက် (၂၃) နှစ်အရွယ်မိန်းမတစ်ယောက်မှာ........

ဘာမှမထူးခြားတဲ့ အတွေး အမြင် အသိ တွေရှိတယ်....

ဘာမှမထူးခြားတဲ့ ခံစားချက်တွေရှိတယ်....

ဘာ

မှ

ကို

မ

ထူး

ခြား

ခဲ့

ပါဘူးကွယ်.............................................................................................................။

သေချာခဲ့ပါတယ်.... 5.2.2008 မနက် (၉)နာရီ (၄၅)မိနစ်...... ဒိုင်ယာရီလေး ငိုကြွေး....

အမှန်တကယ် ဟုတ်မဟုတ်မသိဘူး.... သူမပျောက်ကွယ်သွားတယ်.....

ဒိုင်ယာရီလေးကဆိုတယ်....

သူမ...

မပျောက်ကွယ်ပါဘူးတဲ့............

ဒိုင်ယာရီလေးထဲက မှတ်တမ်းလေးတွေကပြောတယ်....

သူမ....

ပျောက်ကွယ်သွားခဲ့ပါပြီတဲ့............